Групација Алтернатива

Добредојдовте во Групација Алтернатива. Ние сме Експертски центар за човечки системи и се состоиме од:

1. Институт Алтернатива – Европски акредитиран институт за професионално образование за семејна и системска психотерапија (EAPTI)
2. Психолошки центар Алтернатива – Центар за превенција и дијагностика на менталното здравје, индивидуална, партнерска и семејна психотерапија и психоедукација за општата популација и организациски системи
3. НВО Здружение Алтернатива – Здружение за поддршка, развој и промоција на организацијата и функционирањето на индивидуални, партнерски, родителски, семејни, училишни, здравствени, социјални, деловни и други хумани системи во заедницата и пошироко.
4. Експертски Центар за Родителство Алтернатива – Центар за професионална обука и развој на програми базирани на докази за родителство со цел промовирање на менталното здравје и благосостојбата на децата и адолесцентите и спречување на семејното насилство.

         Linkedin

Нашата визија

Веруваме во општество каде што со споделување на знаења и вештини ги прошируваме изборите, создаваме просперитетни можности и алтернативни решенија за сите. Го почитуваме ставот според кој секој индивидуалец е посебен био-психо-социјален систем кој истовремено припаѓа на различни човечки системи, на кои влијае и е под влијание. Се залагаме за создавање еднакви можности за сите, за да можат да ги достигнат своите развојни потенцијали и правата на здрав живот и благосостојба преку зајакнување и проширување на нивните капацитети со поддршка на непосредната околина и пошироката заедница.

Нашата мисија и цели

Основани сме со цел превенција и промоција на менталното здравје преку организирање и спроведување професионално образование, психоедукација и психотерапија базирани на семејна и системска теорија и практика кои се културолошки и родово сензитивни. Дополнително, промовираме и развиваме системски идеи и практика во разбирањето на функционирањето на различно организирани човечки системи во различни контексти (индивидуални, партнерски, родителски, семејни, училишни, здравствени, социјални, деловни и други хумани системи во заедницата и пошироко) базирани на почитување на родовите, религиозните и културните разлики. Спроведувањето и развојот на истражувачки активности во почитуваната област како национални, регионални и меѓународни проекти е редовна активност во нашата група.